अखबार नेपाल ट्रेन्डिङ

काठमाडौं: एनएमबि बैंकका ग्राहकले सिजी डिजीटलको आधिकारीक वितरकबाट सरल किस्तामा सामान खरीद गर्न सक्नेछन् ।

बैंकका ग्राहकरुले सिजी डिजीटलको आधिकारीक वितरकबाट उपभोग्य वस्तुहरुको खरीदमा १२ महिना सम्मको ‘एनएमबि सुलभ किस्ता’ योजना अन्तर्गत १२ महिना सम्मको सरल किस्तामा समानहरु खरीद गर्न सक्नेछन् ।

एनएमबि बैंक र सिजी डिजीटलबीच शुन्य प्रतिशत ईएमआईमा कर्जाका साथै अन्य डिजीटल प्रणालीबाट गरिने भुक्तानीमा छुट प्रदान गर्ने विषय सहज कार्यान्वयनको लागी द्विपक्षीय समझदारी पत्रमा हस्ताक्षर भएको छ ।

सझदारीपत्रमा एनएमबि बैंकका तर्फबाट प्रमुख-रिटेल बैंकिङ्ग रोशन रेग्मी र सिजी डिजीटलका तर्फबाट प्रमुख-वित्त मुकेश खातोरले हस्ताक्षर गर्नु भएको छ ।

यसका अतिरिक्त एनएमबिका ग्राहकहरुले सिजीका विविध उत्पादनहरुमा डेबिट/क्रेडिट कार्ड मार्फत गरिने भुक्तानीमा एक हजार ८ सय रूपैयाँ सम्म छुट प्राप्त गर्न सक्नेछन् ।

एनएमबि बैंकले १ सय ६९ शाखाहरु, ५ विस्तारित काउन्टरहरु र १ सय ३३ एटीएमहरु मार्फत ग्राहकहरुलाई सेवा पुर्याउँदै आइरहेको छ ।