राम, सीता, लक्ष्मण र हनुमानका मूर्तिलाई चितवन पठाइयो
वि.सं.२०७८ वैशाख ७ मंगलवार १२:१४
काठमाडौं: राम, सीता, लक्ष्मण र हनुमानका मूर्तिलाई आज बालुवाटारमा विधिवत् रूपमा पूजा गरी पठाइएको छ । बालुवाटारमा वैदिक अनुष्ठानसहितको पूजा गरि मूर्तिहरू चितवन पठाइएको हो ।
चितवनको अयोध्यापुरीमा लगेर राखिने मूर्तिहरुको पूजा मंगलबार प्रधानमन्त्री केपी शर्मा ओली र उनकी पत्नी राधिका शाक्यले गर्नु भइको छ । राम, सीता, लक्ष्मण र हनुमानका प्रतिमा अलग अलग रथमा राखेर चितवन पठाइएको हो ।
प्रधानमन्त्री निवासमा रथ यात्रालाई विदाई गर्दा नेकपा एमाले संसदीय दलका नेता सुवासचन्द्र नेम्वाङ, संस्कृति तथा पर्यटन मन्त्री भानुभक्त ढकाल, शिक्षा मन्त्री कृष्णगोपाल श्रेष्ठ लगायतको उपस्थिति थियो ।
प्रधानमन्त्री निवासबाट सो रथयात्रा राष्ट्रपति कार्यालय पुगेको थियो । राष्ट्रपति कार्यालयमा राष्ट्रपति विद्यादेवी भण्डारीले एक भव्य समारोह बीच प्रतिमा सहितको रथ यात्रालाई विदाई गरेको बताइएको छ ।
मूर्ति लिएर गएको रथ आज चितवनको देवघाट रहनेछ । भोलि बिहान माडीको अयोध्यापुरी लगिनेछ । अयोध्यापुरीमा निर्माण गरिएको मन्दिरमा प्राणप्रतिष्ठा गरेर मूर्तिहरु राख्ने कार्यक्रम रहेको छ ।
यो पनि पढ्नुहोस् :
नेपाल राष्ट्र बैंकले कर्मचारीलाई करीव ५५ करोड रुपैयाँ भुक्तानी
वि.सं.२०७८ वैशाख ७ मंगलवार १२:१४