अखबार नेपाल ट्रेन्डिङ

काठमाडौ : नेपाल कम्युनिष्ट पार्टी(नेकपा)का उपाध्यक्ष वामदेव गौतमको विषयमा सर्वोच्च अदालतमा भएको बहस पूरा हुन नसकेपछि शुक्रबार गर्नेगरी स्थगित भएको छ ।

यही विषयमा शुक्रबार बहस हुने भएको छ । राष्ट्रियसभा सदस्य नियुक्त नेकपा उपाध्यक्ष वामदेव गौतमलाई मन्त्री नबनाइयोस् भन्ने मागका साथ सर्वोच्चमा दायर रिटउपर आज बुधबार बसेको पूर्ण इजलासमा बहस नटुंगिएपछि हेर्दाहेर्दैमा राखिएको हो ।

प्रधानन्यायाधीश चोलेन्द्रसमशेर राणासहितको पाँच सदस्यीय संवैधानिक इजलासमा उक्त मुद्दाको आज पेसी चढेको थियो ।

पेसीमा चढेको मुद्धामा विपक्षीमध्येका प्रतिवादी वामदेव गौतमका तर्फबाट बहस गर्न गएका कानुन व्यवसायीले आज बहस गर्न नभ्याएपछि मुद्धा हेर्दाहेदैमा राखेको हो ।

तर, विपक्षीका तर्फबाट आज महान्यायाधिवक्ता कार्यालयका सरकारी वकिलले भने बहस टुंग्याएका छन् ।

सर्वोच्च स्रोतका शुक्रबारको संवैधानिक इजलासमा उक्त मुद्दाको सुनुवाई हुने बताएको छ ।