अखबार नेपाल ट्रेन्डिङ

काठमाडौं: काठमाडौं उपत्यकामा काठमाडौं, भक्तपुर, ललितपुरका प्रमुख जिल्ला अधिकारीहरूको संयुक्त बैठकले निषेधाज्ञाको समय एक साता बढाउने निर्णय गरेसँगै अब काठमाडौंमा झन बढी कडा गरिने भएको हो ।

मंगलबार तीनै जिल्लाका प्रमुख जिल्ला अधिकारीहरूसहित स्थानीय तह, उद्योग वाणिज्य, स्वास्थ्यकर्मी लगायतको सर्वपक्षीय बैठकले भदौ १७ गते राति १२ बजेसम्मका लागि निषेधाज्ञा जारि गरेको छ ।

निषेधाज्ञामा पहिलेको जस्तै अत्यावश्यक सेवा खाद्यान्न, तरकारी, दुग्धजन्य चिजहरूलाई सहज गरिने छ । खाद्यान्न, तरकारी, दुग्धजन्य पसलहरू ९ बजेसम्म खुल्नेछन्। सरकारी गाडी, एम्बुलेन्स, कार्डबाहक सवारीसाधनहरूलाई रोकिने छैन ।

बैठकले निषेधाज्ञा अवधिभर देहाय बमोजिमका कार्यहरु गर्न गराउन निषेध गरेको छ ।