अखबार नेपाल ट्रेन्डिङ

काठमाडौं: विश्व स्वास्थ्य संगठनले कोभिड १९ नोबल कोरोना भाइरसलाई विश्व महामारी घोषणा गरेको छ । विश्व राजनीतिक केन्द्रको केन्द्रबिन्दूमा रहेको अमेरिका र युरोपलाई कोरोनोभाइरसको महामारीको चपेटामा परेपछि यस्तो घोषणा गरिएको हो ।

यो भाइरस विश्वका अन्य देशहरुमा तीब्र रुपमा फैलिन क्रम बढेपछि अन्ततः विश्व स्वास्थ्य संगठनले पानडेमिक घोषित गर्नुपरेको जनाएको छ । संगठनका प्रमुख टेद्रोस अधानोम घेब्रेसियसले प्रत्येक दिन विश्वका मुलुकहरुलाई आकस्मिक र आक्रमक नीति लिन आव्हान समेत गरेका छन् ।

यसअघि सन् २००३ तिर देखापरेको सार्सको संक्रमण पनि कोरोनाभाइरसकै अर्को प्रजातिका कारण फैलिएको थियो । तर त्यसले त्यतिबेला विश्व महामारीको रुप भने लिन पाएको थिएन । यो भाइरसको महामारी चीनमा शुरु हुँदा शुरुवाती कालमा उदासीन रहँदै आएको र चीनलाई आरोपको वर्षा गर्दै आएको विश्व शक्तिकेन्द्रका अग्रणी अमेरिका नै यतिखेर यसको महामारीको चपेटामा नराम्ररी परेको छ ।

त्यसबाहेक यसको महामारीले युरोपका थुप्रै देशहरुलाई आफ्नो चपेटामा लिइसकेको छ भने यो बोलिभिया, टर्की जस्ता नयाँ नयाँ देशहरुमा पनि देखापर्दै गइरहेको छ । त्यसबाहेक, यसै भाइरसको कारण इण्डोनेशिया, स्वीडेनमा मासिनहरु मर्न थालेको नयाँ नयाँ खबरहरु पनि आइरहेका छन् ।