अखबार नेपाल ट्रेन्डिङ

काठमाडौं: निवर्तमान सञ्चारमन्त्री गोकुल बास्कोटाको घर नजिकै बम विष्फोट भएको छ । भक्तपुरको बालकोटस्थित बास्कोटाको घर नजिकै खुला स्थानमा आज बिहान विष्फोट भएको हो । जिल्ला प्रहरी कार्यालय भक्तपुरका अनुसार बुधबार बिहान पौने आठ बजे बम विष्फोट भएको हो ।

बम विस्फोटबाट घरको भुइँ तलामा क्षति पुगेको छ भने झ्यालका सिसा फुटेका छन् । कम्पाउन्डको पर्खाल ढलेको छ । बास्कोटाको घरलाई नै लक्षित गरी बम विष्फोट गराइएको प्रहरीले बताए पनि कसले र किन गरायो भन्ने खुलाएको छैन । घटनास्थलमा प्रहरी उपरीक्षक सविन प्रधान नेतृत्वको टोली अहिले घटनास्थलमा पुगेको छ । निवर्तमान मन्त्री बाँस्कोटाले सेक्युरिटी प्रेस खरिदमा ७० करोड कमिसन मागेको अडियो सार्वजनिक भएपछि राजीनामा दिएका थिए ।