अखबार नेपाल ट्रेन्डिङ

झापा: नेपाल पुलिस क्लबलाई हराउँदै थ्री-स्टार क्लव झापा गोल्डकप फुटबलको सेमिफाइनलमा प्रवेश गरेको छ ।

हिजो भएको खेलमा टाइब्रेकरमा भाग्यमानी सावित हुँदै थ्री-स्टार सेमीफाइनलमा प्रवेश गरेको हो । पुलिसलाई टाइब्रेकरमा ३-० गोल अन्तरले हराउँदै सेमीफाइनलमा स्थान सुरक्षित गरेको थ्री- स्टारले फाइनल प्रवेशका लागि झापा ११ सँग खेल्ने छ ।

निर्धारित ९० मिनेटमा खेल बराबरी भएपछि खेलको निर्णय टाइब्रेकरबाट लिइएको थियो । टाइब्रेकरमा थ्रि स्टार क्लबका बिजय धिमाल, बुद्ध चेम्जोङ र रुपेश केसीले गोल गरेका थिए भने बिक्रम लामाको प्रहार पुलीसका गोलकिपर शत्रुघन चौधरीले बचाउ गरेका थिए ।

यो प्रतियोगितामा पहिलो पटक निर्णय टाइब्रेकरबाट गरिएको थियो । खेलको म्यान अफ द म्याच पुलीसका गोलरक्षक एलेन न्यौपाने भए ।