अखबार नेपाल ट्रेन्डिङ

एजेनसीः अमेरिका र तालिवानबीच अफगानिस्तानमा हिंसा कम गर्ने विषयमा भएको सहमति कार्यान्वयनमा आएको छ । गत हप्ता म्युनिख सुरक्षा सम्मेलनका क्रममा दुवै पक्षले हिंसा अन्त्यका लागि सात दिने सहमति गरेका थिए । सहमति अनुसार अमेरिका र तालिवान दुवै पक्षले अफगानिस्तानमा सात दिनसम्म कुनै पनि हिंसाका घटना गर्ने छैनन् ।

अमेरिकी विदेशमन्त्री माइक पोम्पेओले सहमति दीर्घकालीन शान्तिका लागि महत्वपूर्ण कदम भएको बताए । तालिवानका वार्ताकारले सहमतिले शान्ति सम्झौताका लागि उपयुक्त वातावरण बनाउने भन्दै मुलुकबाट सबै विदेशी सेना फिर्तीका लागि यस आधार तयार पार्ने विश्वास लिएका छन् । यो सहमति सफल भए दुवै पक्षले दुई दशक लामो संघर्ष अन्त्यका लागि पहिलो चरणको सम्झौता गर्ने छन् ।

सन् २०१९ मा अमेरिका र तालिवान शान्ति सम्झौता नजिक पुगेका थिए । तर अफगान सरकारले सहमतिमा आपत्ति जनाउंदै शर्तसहित युद्धविराम गर्ने जनाएको छ । अमेरिकाले तालिवानसँग शान्ति सम्झौताको लागि पटक-पटक प्रयास गर्दै आएपनि सफल हुन सकेको छैन । सन् २००१ बाट तालिवानविरुद्ध शुरु गरेको अमेरिकी कारवाहीका क्रममा करोडौं डलर खर्च भैसकेको छ ।