अखबार नेपाल ट्रेन्डिङ

काठमाडौं: मौसम पूर्वानुमान महाशाखाले देशको पश्चिम भेग भएर पश्चिम न्यून चापीय प्रणाली भित्रिएको र यसको प्रभावले आगामी तीन दिन मौसम बदली रही वर्षा र हिमपातको सम्भावना रहेको बताएको छ ।

अफगानिस्तान र पाकिस्तान हुँदै सोमबार बिहान भित्रिएको नयाँ प्रणालीको प्रभाव अहिले देशको पश्चिम भागमा परिरहेको छ । यसकै प्रभावस्वरूप हिमाली भेगमा हिमपात र पश्चिमकै पहाडी र तराईमा हल्का वर्षा भइहेको महाशाखाले जनाएको छ । यो प्रणालीको प्रभाव अहिले देशको पूर्वी र मध्य भागमा भने सामान्य रूपमा परेको छ ।

मौसम पूर्वानुमान महाशाखाका अनुसार, पश्चिम न्यून चापीय मौसमी प्रणाली भोलिदेखि भने देशको पश्चिमसँगै मध्य र पूर्वी भागसम्म फैलने छ । यसको फैलावटले भोलि हल्कादेखि सामान्य वर्षा हुने खतरासँगै हिमाली क्षेत्रमा भने हिमपात हुनसक्ने महाशाखाले बताएको छ । बिहीबार दिनभर यो श्रृंखला जारी रहे पनि साँझबाट भने मौसमी सुधारिने मौसम पूर्वानुमान महाशाखा जनाएको छ । बिहीबार साँझबाट भने मौसममा सुधार आउने जनाएको छ । शुक्रबारबाट भने देशका अधिकांश भागको मौसम घमाइलो हुने महाशाखाले जनाएको छ ।

– जय बहादुर घले