अखबार नेपाल ट्रेन्डिङ

काठमाडौं: गायिका आस्था राउतलाई नेपाल आए लगत्तै प्रहरीले पक्राउ नगर्ने भएको छ । आस्था नेपाल फर्किए लगत्तै कार्यालयमा हाजिर गराउन परिवार सहमत भएपछि प्रहरीले उनलाई पक्राउ नगर्ने भएको हो ।

आस्था कार्यक्रममा सहभागी हुन नेपाल बाहिर रहेकाले उनलाई पक्राउ गर्न जिल्ला प्रशासन कार्यालय काठमाडौंले अनुमति दिए पनि परिवारले आफै कार्यालयमा ल्याउने वचन दिएपछि महानगरीय प्रहरी परिसर काठमाडौंले पक्राउ नगरी पहिला छलफल गर्ने निष्कर्षमा पुगेका हुन् ।

त्रिभुवन अन्तराष्ट्रिय विमानस्थलको आन्तरिक टर्मिनलमा सुरक्षा जाँचको क्रममा प्रहरी र आस्थाबीच विवाद भएपछि प्रहरीले उनलाई दुर्व्यवहारको आरोपमा कारवाही अगाडि बढाउने तयारी गरेको हो ।