अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिगमा आज दुई खेल हुँदैछन् । अखिल नेपाल फुटबल संघ एन्फाले चौथो चरणका सम्पुर्ण खेल ललितपुरको सातदोबाटोस्थित एन्फा कम्प्लेक्समा सञ्चालन गर्न लागेको छ । आज न्युरोड टिम एनआरटी र मछिन्द्र क्लब तथा फ्रेन्ड्स र मनाङ मस्र्याङ्दीबीच प्रतिस्पर्धा हुनेछ ।

एन्फाले यसअघि एन्फा कम्प्लेक्स र दशरथ रंगशालामा एक–एक खेल सञ्चालन गर्दै आएको थियो । तर नेपाल सरकारले भिजिट नेपाल २०२० (पर्यटन बर्ष) दशरथ रंगशालामा मनाउने भएपछि खेल एन्फा मैदानमा सरेको हो । एनआरटी र मछिन्द्रबीचको खेल साढे ११ बजे सुरु हुनेछ । दोस्रो खेलमा फ्रेन्ड्स र पुर्व च्याम्पियन मनाङ दिउँसो ३ बजे भिड्नेछन् । अपराजित मछिन्द्रले तीन खेलबाट ६ अंक जोडेको छ । एनआरटीको तीन खेलबाट उसको ४ अंक मात्रै छ ।