अखबार नेपाल ट्रेन्डिङ

काठमाडौः काठमाडौंको स्वाम्भुमा तीन जना महिला उद्यमीहरु मिलेर ‘निन्जा अप्टिकल कोर्ष’ स्थापना गरेका छन् । जहाँ बालबालिकाहरुलाई शारीरिक व्यायमका साथै बच्चाहरुले रमाईलो गरेर खेल्न मिल्ने निन्जा खेलहरु खेलाईने गरिन्छ । करिव ७ रोपनीको क्षेत्रफलमा स्थापना गरिएको ‘निन्जा अप्टिकल कोर्ष’ नेपालमा भने पहिलो पटक खोलिएको हो ।

‘निन्जा खेल’ विदेशमा भने निकै चर्चित छ । जहाँ बच्चाहरु रमाईलो गरी खेल्ने गर्दछन् । यस ‘निन्जा खेल’मा स्कुलका बालबालिकाहरुले पनि सहभागी भई खेल्न सक्नेछन् र खेलको भरपूर मनोरञ्जन लिन सक्नेछन् । बच्चाहरूको कल्पनाशक्ति, फुर्तिलोपन र उमेर समूह खेलमा आधारित खेलाईने ‘निन्जा खेल’ लोकप्रिय खेल हो । यसलाई विभिन्न ठाउँमा अलि अलि फरक तरिकाले खेलाईन्छ ।

‘निन्जा खेल’ बच्चाहरूले टिभी, कार्टुन वा कथाबाट प्रभावित भएर निन्जा बनेजस्तो अभिनय गर्दै खेल्ने खेल हो । यसमा बच्चाहरूले निन्जाको जस्तै चञ्चल, छिटो, बलियो र लुकेर चल्ने शैलीमा खेलिने रमाइलो खेल हो । यसमा सामान्यतया शरीर चलाउने, दौडने, उफ्रने, लुकेर हिंड्ने, सन्तुलन राख्ने जस्ता गतिविधिहरू हुन्छन् । ‘निन्जा खेल’ बालबालिकाहरुका लागि निकै फाईदाजनक खेल पनि हो । जसमा शारीरिक तन्दुरुस्ती बढ्छ, टोलीमा काम गर्ने बानी लाग्छ, कल्पनाशक्ति र आत्मविश्वास बढ्छ र मोबाइल/टिभीबाट टाढा राख्छ ।

तस्बीरमा ‘निन्जा खेल’ का सामाग्रीहरुः