अखबार नेपाल ट्रेन्डिङ

एजेन्सी: रियल मड्रिडलाई ४-० गोल अन्तरले हराउँदै अमेरिकामा जारी फिफा क्लब विश्वकप प्रतियोगितामा फ्रेन्च टोली पेरिस सेन्ट-जर्मेन (पिएसजी) फाइनलमा पुगेको छ ।

उपाधि नजिक पुग्नका लागि पिएसजीका फाबियन रुइसले दुई गोल, ओस्मान डेम्बेले र गोनसालो रामोसले समान एक/एक गोल गरे । खेलको सुरुवाती २४ मिनेटमै पिएसजीले तीन गोल गर्दै रियललाई दबाबमा राखेको थियो । अब पिएसजीले उपाधिका लागि आइतबार चेल्सीसँग खेल्नेछ ।

खेलको चौथो मिनेटमा पिएसजीका लागि रुइसले पहिलो गोल गरे । आठौं मिनेटमा डेम्बेलेले गोल गरे । २४औं मिनेटमा रुइसले व्यक्तिगत दोस्रो गोल गर्दा पिएसजीले खेल पूर्ण रुपमा नियन्त्रणमा लियो । खेल सकिन तीन मिनेट बाँकी रहँदा रामोसको गोलसँगै पिएसजीको फाईनल यात्रा सुनिश्चित गर्यो । रियलका किलियन एम्बाप्पेले पहिलो रोजाइमा खेले पनि खास प्रभाव पार्न सकेनन् ।

लुका मोड्रिचले ६४औं मिनेटमा मैदान प्रवेश गरे । रियलबाट त्यो उनको अन्तिम खेल थियो । एडर मिलिटाओ चोट मुक्त भएर मैदानमा फर्किएका थिए । खेलपछि रुइजले भने ‘हामी अर्को फाइनलमा पुग्न पाउँदा निकै खुशी छौं, उनले थपे,‘यो ऐतिहासिक उपलब्धि हो । यो सिजन हरेक फाइनलमा पुग्नु निकै कठिन कुरा हो । अब हामी उपाधिबाट एक पाइला टाढा छौं ।’