अखबार नेपाल ट्रेन्डिङ

काठमाडौं: घरेलु टोली नेपालले आज साफ यु-२० च्याम्पियनसिपको फाइनल प्रवेशका लागि भुटानसँग प्रतिस्पर्धा गर्दैछ । सातदोबाटोस्थित एन्फा कम्प्लेक्समा खेल अपरान्ह्र ३ बजे सुरु हुनेछ ।

नेपाल समूह ‘ए’ को विजेता बन्दै सेमिफाइनल पुगेको हो भने भुटान समूह ‘बी’ को उपविजेता बन्दै अन्तिम चारमा पुगेको हो । नेपालले समूह चरणका दुवै खेल जितेको थियो । समूह चरणमा नेपालले श्रीलंकालाई १-० र बंगलादेशलाई २-१ ले पराजित गर्दै ६ अंक जोडेको थियो । भुटानले समूह चरणमा माल्दिभ्सलाई पराजित गरेको थियो भने भारतसँग पराजय भएको थियो ।

बंगलादेश नेपाल रहेको समूहको उपविजेता बन्दै सेमिफाइनल पुगेको थियो । नेपाल रहेको समूहको अर्को टोली श्रीलंका भने अंकविहीन हुँदै घर फर्किसकेको छ । साविक विजेता भारत र उपविजेता बंगलादेशबीच दोस्रो सेमिफाईनल भोलि हुनेछ ।