अखबार नेपाल ट्रेन्डिङ

काठमाडौं: प्रमुख प्रतिपक्षी दल नेकपा एमालेले आज पत्रकार सम्मेलन गरी समसामयिक विषयमा पार्टीको धारणा सार्वजनिक गर्ने भएको छ ।

एमाले केन्द्रीय प्रचार विभाग प्रमुख राजेन्द्र गौतमका अनुसार पत्रकार सम्मेलन एमालेको केन्द्रीय कार्यालय च्यासलमा आयोजना गरिनेछ । पत्रकार सम्मेलनमार्फत सुन तस्करी प्रकरण, संसद्‌मा आफैंले गरिरहेको अवरोध लगायत समसामयिक विषयमा अध्यक्ष केपी शर्मा ओलीले पार्टीको धारणा राख्ने कार्यक्रम छ ।

संसद गतिरोध र समसामयिक विषयमा अध्यक्षले पार्टीको धारणा प्रस्ट पारिने प्रचार विभागले जनाएको छ । सय किलो सुन तस्करी प्रकरण अनुसन्धानका लागि उच्च स्तरीय छानबिन समिति गठन गरिनुपर्ने माग राखी एमालेले हरेक संसद् बैठकमा अवरोध गरिरहेको छ ।