अखबार नेपाल ट्रेन्डिङ

एजेन्सी: युरोकप छनोट अन्तर्गत पोर्चुगलले सर्वियालाई पराजित गरेको छ । शनिबार राती भएको समुह बी को खेलमा पोर्चुगलले सर्वियालाई ४–२ गोल अन्तरले पराजित गरेको हो ।

खेलको ४२औं मिनेटमा विलियम कार्वाल्होले गोल गर्दै पोर्चुगललाई सुरुवाती अग्रता दिलाएका थिए । गोनकलो गेदेसले ५८औं मिनेटमा पोर्चुगलको अग्रता दोब्बर पारे । ६८औं मिनेटमा सर्वियाका मिलिनकोभिकले गोल गर्दै घरेलु टोलीलाई खेलमा फर्काउने कोशिश गरेका थिए ।

तर ८०औं मिनेटमा क्रिस्टियानो रोनाल्डोले गोल गर्दै पोर्चुगललाई ३–१ ले अघि बढाए । मित्राोभिकले ८५औं मिनेटमा गोल गर्दै गोल अन्तर घटाउने काम गरेका थिए । तर खेल सकिन चार मिनेट बाँकी छँदा बर्नार्डो सिल्भाले गोल गर्दै पोर्चुगललाई फराकिलो जित दिलाए । पोर्चुगलले युरो छनोटमा पहिलो जित निकल्न सफल भएको हो । समुह बीको दोस्रो स्थानको पोर्चुगलले तीन खेलबाट ५ अंक जोडेको छ ।