अखबार नेपाल ट्रेन्डिङ

काठमाडौं: नेपालले आइसिसी एकदिवसीय विश्वकप छनोटमा वेस्टइन्डिजविरुद्ध दुई विकेट लिएको छ । खेलको दोस्रो ओभरमै तीव्र गतिका बलर करण केसीको दोस्रो ओभरको तेस्रो बलमा कायल मेयर्सको क्याच कुशल भुर्तेलले लिएका हुन् ।

त्यसैगरी नेपालका लागि गुलशन झाले आफ्नो पहिलो बलमै विकेट लिन सफल भएका छन् । जोनसन चर्लेसलाई विकेट किपर आशिफ शेखले क्याच आउट गरे । यससँगै नेपालले वेस्टइन्डिजविरुद्ध दुई विकेट सुरुवातमै लिन सफल भएको छ ।

नेपाल पहिलो पटक वेस्टइन्डिजसँग खेल्दैछ । नेपालले खेल्ने यो सवैभन्दा माथिल्लो स्तरको टोली हो । वेस्टइन्डिजले समान दुई पटक टि-२० र एकदिवसीय विश्वकप उपाधि जितिसकेको छ ।