अखबार नेपाल ट्रेन्डिङ

एजेन्सीः इंग्लिस क्लब वेस्ट ह्याम युनाइटेड युरोपा कन्फ्रेन्स लिगको उपाधि जितेको छ । इटालियन क्लब फियोरेन्टिनालाई २–१ ले पराजित गर्दै वेस्ट ह्याम दोस्रो सिजनको कन्फ्रेन्स लिगको उपाधि जितेको हो ।

पहिलो संस्करणमा फियोनुर्डलाई पराजित गर्दै इटालीको रोमाले उपाधि जितेको थियो । फोर्टुना एरिना प्राहा चेक रिपब्लिकमा गएराति भएको खेलका वेस्ट ह्यामलाई च्याम्पियन बनाउन सेड बेनरहमा र जरोड बोवेनले गोल गरे । फियोरेन्टिनाका जियोकोमो बोनोभेन्चुराले एक गोल फर्काए ।

प्रतिस्पर्धात्मक खेलको पहिलो हाफमा गोलरहित बराबरीमा सकिदा तीनै गोल दोस्रो हाफमा भएका थियो । ६२औं मिनेटमा सेड बेनरहमाले पेनाल्टीमा गोल गर्दै वेस्ट ह्यामलाई १–० को अग्रता दिलाए ।

पेनाल्टी बक्समा क्रिष्टियानो विरागीले हातले बल छोएको भन्दै वेस्ट ह्यामले लामो अपिल गरेपछि रेफ्रीले भिएआरको सहायता लिदै पेनाल्टी प्रदान गर्दा बेनरहमा चुकेनन् । तर, वेस्ट ह्यामको त्यो अग्रता लामो समय टिकेन ।

खेलको ६७औं मिनेटमा जियाकोमो बोनोभेन्चुराले गोल गर्दै खेललाई १–१ गोलको बराबरीमा ल्याए । उनले निकोलस गोन्जालेसको पासमा गोल गर्न सफल भएका थिए । त्यसपछि खेल अतिरिक्त समयतर्फ लम्बदै गर्दा जरोड बोवेनले गोल गर्दै वेस्ट ह्यामलाई उपाधि जिताए ।