अखबार नेपाल ट्रेन्डिङ

काठमाडौं: प्रदेश १ सरकारले आज सार्वजनिक बिदा दिएको छ । प्रदेश १ का वन, वातावरण तथा भू-संरक्षण मन्त्री शेखरचन्द्र थापाको निधनको शोकमा प्रदेश सरकारले आज सार्वजनिक बिदा दिएको हो ।

प्रदेश सरकारले राष्ट्रिय झण्डा समेत झुकाउने निर्णय गरेको आन्तरिक मामिला तथा कानुन मन्त्रालयले जनाएको छ । मन्त्री थापाको उपचारकै क्रममा बुधबार बिहान विराटनगरस्थित नोबेल मेडिकल कलेजमा निधन भएको थियो ।

थापा नेपाली कांग्रेसबाट मोरङ क्षेत्र नम्बर ३ को प्रदेश सभा क्षेत्र (क) बाट मंसिर ४ मा हुने चुनावका लागि उम्मेदवार थिए । थापा २०७४ सालमा समानुपातिकतर्फ प्रदेश सभा सदस्य भएका थिए । थापाका श्रीमती, एक छोरी र एक छोरा छन् ।