अखबार नेपाल ट्रेन्डिङ

काठमाडौं: पिपुल्स् हाइड्रोपावरले कात्तिक २५ गतेदेखि सर्वसाधारणका लागि आइपिओ निष्कासन गर्ने भएको छ ।

कम्पनीले प्रतिकित्ता १०० रुपैयाँ अंकित दरका कुल ५६ लाख ६ हजार ३९० कित्ता शेयर सर्वसाधारणका लागि निष्कासन गर्न लागेको हो ।

कम्पनीले आयोजना प्रभावित क्षेत्रका बासिन्दामा लागि निष्काकसन गरेको आइपिओ बाँडफाँट गर्दा बिक्री नभएको ८ लाख ६ हजार ३९० कित्ता सेयर समेत गरी उक्त संख्यामा आइपिओ बिक्री गर्न लागेको हो ।

जसमध्ये ५ प्रतिशत अर्थात् २ लाख ८० हजार १९० कित्ता सेयर सामूहिक लगानी कोषको लागि सुरक्षित गरिएको छ भने ३ प्रतिशत अर्थात् १ लाख ६८ हजार १९० कित्ता सेयर कर्मचारीहरुका लागि छुट्याइएको छ ।

बाँकी ५१ लाख ५७ हजार ८८० कित्ता सेयर सर्वसाधारणका लागि बिक्रीमा आउन लागेको हो । कम्पनीको सेयर निष्कासन तथा बिक्री प्रबन्धक सानिमा क्यापिटल लिमिटेड रहेको छ ।

आवेदकले नेपाल धितोपत्र बोर्डबाट स्वीकृति पाएका गरेका सम्पूर्ण सि आस्बा सदस्य बैंक तथा वित्तीय संस्था र तिनका शाखा कार्यालयहरू तथा मेरो सेयर वेबसाइट र एपमार्फत आवेदन दिन सक्नेछन् ।

उक्त आइपिओमा न्यूनतम १० कित्ता सेयर खरिदका लागि आवेदन दिन सकिन्छ भने अधिकतममा १ लाख कित्ता सेयरका लागि आवेदन दिन सकिन्छ ।

आइपिओ निष्कासन बन्द छिटोमा कात्तिक २९ गते हुनेछ भने उक्त अवधिमा माग अनुसार आवेदन नपरेमा मंसिर ९ गतेसम्म आवेदन सकिने व्यवस्था छ ।

कम्पनीको आइपिओलाई केयर रेटिङ नेपालले केयर एनपी डबल बी इस्यूअर रेटिङ प्रदान गरेको छ । जसले दायित्व बहन गर्ने क्षमतामा औसत जोखिम रहेको जनाउँछ ।