अखबार नेपाल ट्रेन्डिङ

काठमाडौ : चीनले नेपालसँग सिमा जोडिएको प्रमुख दुई नाकालाई आजबाट खुला गरेको छ । चीन सरकारले तिब्बतमा कोरोना भाइरसको प्रकोप बढेको भन्दै भदौ पहिलो सातादेखि नाका बन्द गरेको थियो । नाका बन्द गरेको एक महिनापछि आजदेखि रसुवागढी नाकाबाट चीनले कन्टेनर छाड्ने भएको छ ।

रसुवागढी भन्सार नाकाका प्रमुख रामप्रसाद मैनालीले चीनले आजदेखि सामान छाड्न लागेको जानकारी दिए । उनले भने, ‘चीनले आजदेखि रसुवागढी नाकाबाट सामानहरू छाड्दैछ । तर, के(के आउँदैछ भनेर हामीलाई जानकारी छैन ।’ आज नाकाबाट १० वटा कन्टेनर नेपाल भित्रिन सक्ने मैनालीले जानकारी दिएका छन् ।