अखबार नेपाल ट्रेन्डिङ

काठमाडौं: नेकपा माओवादी (केन्द्र)का पोलिटब्युरो सदस्य युवराज दुलाल शरदले नेकपा (एकता राष्ट्रिय अभियान) का संयोजक वामदेव गौतमले चुनाव नजित्ने भविष्यवाणी गरेका छन् ।

संयोजक गौतम माओवादी केन्द्रको चुनाव चिन्ह गोलाकारभित्रको हँसिया हथौडाबाट लड्ने सहमति भएपछि असन्तुष्टि बनेका शरदे वामदेवलाई जनताले अनुमोदन नगर्ने बताएका हुन ।

उनले फेसबुकमा लेखेका छन्, “भन्दा देख्नेलाई लाज। हामी कोही राजनीतिकर्मी लाजहराम भयौं भन्दैमा राजनीति नै लाज हराम त हुदैन नि । राष्ट्रिय सभा सदस्य राजीनामा दिएर चुनाव उठ्ने कुरा देशको आवश्यकता होइन । गोलाकारभित्रको हँसिया हथौडा चिन्हमा उठे पनि हुदैन, अरु कुनैमा उठे पनि मतदाताले अनुमोदन गर्दैनन् । चेतना भया ।’

राष्ट्रियसभा सदस्य राजीनामा दिएर चुनाव उठ्ने कुरा देशको आवश्यकता नभएको उनको बुझाइ छ। २०७४ को निर्वाचनमा गौतम बर्दियाबाट पराजित भएका थिए।