अखबार नेपाल ट्रेन्डिङ

काठमाडौं: गत आर्थिक वर्षको चौथो त्रैमाससम्म सांग्रिला डेभलपमेन्ट बैंकले ५९ करोड ५८ लाखभन्दा बढी खुद नाफा गरेको छ ।

अघिल्लो वर्ष सो अवधिसम्म ४१ करोडभन्दा बढी खुद नाफा गरेको बैंकले गत वर्ष ४५.२९ प्रतिशत बढी यो नाफा गरेको हो ।

सञ्चालन नाफा अघिल्लो वर्षभन्दा ४६.६९ प्रतिशत बढी ८६ करोड ४६ लाख भएको कम्पनीको वितरणयोग्य नाफा भने ३४ करोड ८६ लाखभन्दा बढी रहेको छ ।

कम्पनीले गत वर्ष १० प्रतिशत बोनस शेयर वितरण गरी चुक्तापूँजी ३ अर्ब १ करोड ६ लाख ६९ हजार पुर्याएको छ भने जगेडा कोष रकम ९० करोड १६ लाखभन्दा बढी छ ।

निक्षेप संकलन अघिल्लो वर्षभन्दा १६.६९ प्रतिशत बढी ४८ अर्ब ७७ करोड रहेको कम्पनीको कर्जा प्रवाह ४० अर्ब ८४ करोडभन्दा बढी छ ।

अघिल्लो वर्ष १.३९ प्रतिशत रहेको निष्क्रिय कर्जा गत वर्ष ०.९८ प्रतिशतमा झरेको छ । कम्पनीको प्रतिशेयर आम्दानी १९.७९ र प्रतिशेयर नेटवर्थ १४१.५२ छ ।