अखबार नेपाल ट्रेन्डिङ

काठमाडौँ : वाम एकताका लागि वामदेब गौतमले एक भेला बोलाएक छन् । बाम एकता हुनुपर्छ भनेर ‘राष्ट्रिय एकता अभियान घोषणा’ गरेर अघि बढेका गौतमले देशैभरबाट भेला हुने गरी शनिबार कार्यक्रम गर्ने भएका छन् ।

उनले ११ गते शनिबार बिहान ८ बजे ललितपुरको धोबीघाटस्थित सिद्धार्थ कटेजमा एकता अभियानको भेला बोलाएको गौतमका स्वकीय सचिव दीपक टमाटाले जानकारी दिए ।

नेकपाभित्र विवाद उत्कर्षमा रहेको समयमा २०७७ माघ १४ गौतमले एकताका लागि ‘राष्ट्रिय एकता अभियान घोषणा’ गौतमले त्यस समयमा अध्यक्ष केपी शर्मा ओली पक्ष र पुष्पकमल दाहाल तथा माधवकुमार नेपाल दुई समूहले आधिकारिक नेकपा आफू भएको दाबी गर्दै आएका थिए ।

२०७७ फागुन २३ गते सर्वोच्च अदालतको फैसलापछि नेकपा एमाले र माओवादी केन्द्र विभाजित भएका थिए । त्यसपछि गौतम स्वतन्त्र रुपमा रहेका छन् ।