अखबार नेपाल ट्रेन्डिङ

काठमाडौं: बैंक वित्तीय संस्थाका ग्राहकलाई कनेक्ट आइपीएस प्रणालीमा आबद्ध हुने ग्राहकलाई असार १ गतेबाट ३२ गतेसम्म लागू हुने गरी “इलेक्ट्रिफाइङ अफर” ल्याएको छ ।

अफर अन्तर्गत बैंक वित्तीय संस्थाका ग्राहकहरुले कनेक्ट आइपीएसमा अनलाइन रजिष्टर गरी आफ्नो रजिष्टर गरिएको मोबाइल नम्बर तथा इमेल भेरिफाई गराउँदा त्यही मोबाइल नम्बरमा ५० रुपैयाँको रिचार्ज पाउन सक्नेछन् ।

त्यसैगरी अफरको अन्त्यमा इलेक्ट्रिक स्कूटर जित्ने  १ जना भाग्यशाली विजेताको घोषणा एनसीएचएलको अफिसियल पेजबाट गरिने छ ।

बैंकका ग्राहकहरुले कनेक्ट आइपीएसमा वा यसको मोबाइल एप मार्फत रजिष्टर गर्न सक्दछन् । यो अफर कनेक्ट आइपीएसमा नयाँ रजिष्ट्रेसन गर्ने बैंक वित्तीय संस्थाका ग्राहकका लागि मात्र लागू हुनेछ ।

सोझै बैंक खाताबाट फण्ड ट्रान्स्फर लगायत विभिन्न भुक्तानी गर्न सकिने गरी बैंक वित्तीय संस्थाका ग्राहकहरुलाई उपलब्ध रहेको कनेक्ट आइपीएस एकभन्दा बढी बैंक खाता लिन्क गर्न सकिने प्ल्याट्फर्म हो । यसले दैनिक औसत १०.८ अर्ब बराबरको भुक्तानी कारोबार फर्छ्यौट गर्ने गरेको छ ।