अखबार नेपाल ट्रेन्डिङ

काठमाडौ : सडक भासिएपछि बन्द भएको मुग्लिन पोखरा सडक खुलाउने तयारी भईरहेको छ ।

पृथ्वी राजमार्गअन्तर्गत तनहुँको आँबुखैरेनी गाउँपालिका–४ साँखरस्थित ड्यामनजिक सडक भत्किँदा सवारी आवागमन अवरुद्ध भएको थियो ।

अहिले सडकको माथिल्लो भाग खनेर सडक खुलाउने काम भईरहको बताईएको छ । करिब २० मिटर सडक भत्किएको प्रहरीले जनाएको छ।

भासिएर दुर्घटना हुँदा दुई जनाको मृत्यु भएको छ ।

मृत्यु भएका दुई पुरूषको शव मस्र्याङ्दी नदी किनाराबाट निकालिएको थियो । तनहुँ प्रहरीका अनुसार मृत्यु भएमध्ये एक जनाको पहिचान खुलेको छ । गोरखाको सिरानचोक गाउँपालिका छोप्राकका केशव घिमिरेको पहिचान खुलेको हो । अर्का एकको पहिचान खुल्न बाँकी छ ।

सडक भासिएको ठाउँमा बा १० च ४६७९ नम्बरको कारको नम्बर प्लेट पनि फेला परेको छ । उनीहरू उक्त कारमा रहेको अनुमान गरिएको छ । कार आँबुखैरेनीबाट मुग्लिङतर्फ जाँदै गर्दा सडक भासिएको ठाउँमा परेको अनुमान छ ।