अखबार नेपाल ट्रेन्डिङ

काठमाडौं: सहिद स्मारक ‘सी’ डिभिजन लिग अन्तर्गत विरगंज युथ एकेडेमीलाई ५-० गोल अन्तरले हराउँदै झापा फुटबल क्लब सहिद स्मारक ‘बी’ डिभिजन लिगमा बढुवा भएको छ ।

झापा एक खेल अगाबै बढुवा भएको हो । झापाले लिगको अन्तिम खेल स्वयम्भु फुटबल क्लबसँग  खेल्नेछ । एन्फा कप्लेक्स सातदोबाटोमा झापालाई जित दिलाउन पुजन राईले ह्याट्रिक सहित ४ गोल गरे । सन्तोष लावतीले एक गोल थपे ।

खेलको १३ औं मिनेटमा पुजनले गोल गर्दै झापालाई सुरुआती अग्रता दिलाएका थिए । खेलको ६६ औं मिनेटमा पुजनले व्यक्तिगत दोस्रो गोल गर्दै झापालाई २-० को अग्रता दिलाए ।

त्यसपछि खेलको ७४ औं मिनेटमा पुजनले ह्याट्रिक पूरा गर्दै झापालाई ३-० को अग्रता दिलाए । अतिरिक्त समयमा सन्तोषले गोल गर्दै झापालाई ४-० को अग्रता दिलाए ।

त्यसपछि खेलको अन्तिम समयमा पुजनले व्यक्तिगत चौंथो गोल गर्दै झापालाई ५-० को सानदार जित दिलाए ।

जितसँगै झापाले १२ खेलमा ३१ अंक जोडेको छ । झापा शीर्ष स्थानमा समेत उक्लिएको छ । यस हारसँगै विरगंज रेलिगेसनमा परेको छ ।

विरगंज ५ अंक जोडेर १३ औं स्थानमा रहेको छ । यस अघि ओसिस क्लब रेलिगेसनमा परिसकेको छ ।