अखबार नेपाल ट्रेन्डिङ

काठमाडौं: काठमाडौं महानगरपालिकाको मतगणना अन्तिम चरणमा पुगेको छ । जारी मतगणना अनुसार मेयर पदमा स्वतन्त्र उम्मेदवारी दिएका बालेन्द्र साहले ६० हजार मत कटाएका छन् ।

सुरुदेखि नै अग्रता कायम गरेका बालेन्द्रले सत्ता गठबन्धनलाई पछाडि पार्दै फराकिलो मतान्तर बनाएका हुन् । मत गणना गर्न बाँकी भएपनि काठमाडौंको मेयर पदमा बालेन्द्रले जीत सुनिश्चित गरेका छन् ।

उनी विजयी हुने निश्चित बुधबार भइसकेको छ । गन्न बाँकी मतभन्दा निकटतम प्रतिद्वन्द्वीसँग मतान्तर बढी रहेकाले बालेनले जित सुनिश्चित भएको हो ।

उनले नेपाली कांग्रेसकी उम्मेदवार सिर्जना सिहं र नेकपा (एमाले) का केशव स्थापितलाई निकै पछि पारे । त्यस्तै, उपमेयरतर्फ नेकपा (एमाले) की सुनिता डंगोलले ६६ हजार मत कटाएकी छन् । उनले सबैभन्दा धेरै मत पाएकी छन् । उनका प्रतिस्पर्धी नेकपा एसका रामेश्वर श्रेष्ठले करिब २३ हजार मत पाएका छन् ।