अखबार नेपाल ट्रेन्डिङ

काठमाडौं: नेपालमा अझै पनि कुरीति र कुसंस्कार अझै हटेको छैन भन्ने कुरा हिजोको घटनाले छरप्रस्ट पारेको छ ।

यसभन्दा अघि पनि यस्ता घटना नभएका होईनन् । देशको दूरदराजमा मात्र नभई केही समयअघि नेपालको मुटु काठमाडौमा बोक्सी लागेको भन्दै एक माताले किशोरीको ज्यान लिएकी थिईन ।

हिजो मात्रै फेरी अर्को घटना घटेको छ कन्चनपुरमा । धामीझाक्रीको भर पर्दा कञ्चनपुरको बेदकोट नगरपालिका–६ मुसेपानीकी ४३ वर्षीया रञ्चुला साउदले अकालमा ज्यान गुमाउनुपर्यो ।

धामी झाक्रीले बोक्सी लागेको भन्दै फलामको रड तताएर रञ्जनालाई डाम्दा डाम्दै उनको प्राणपखेरु उड्यो । ती झाक्रीले तीनदिन अघि मृत्यु भईसकेको रञ्जनालाई अझै ठिक पार्छु भन्दै झारफुक गरिरहेको अवस्थामा आफन्तले थाहा पाएका थिए ।

अहिले सोही घटनालाई लिएर प्रहरी अनुसन्धान गरिरहेको छ ।

घटना शंकास्पद देखिएकाले भीमदत्त नगरपालिकाका दुई धामीसहित ७ जनालाई नियन्त्रणमा लिएर अनुसन्धान गरिरहेको प्रहरीले जनाएको छ ।

पक्राउ पर्नेमा धामीद्वय भीमदत्त–७ का ६० वर्षीय धर्मानन्द भट्ट, वडा नम्बर १ का ७२ वर्षीय नारायणदत्त भट्ट, मृतककी जेठानी कमला साउदलगायत रहेको जिल्ला प्रहरी कार्यालय कञ्चनपुरका प्रमुख श्यामसिंह चौधरीले बताए ।

‘हामी घटनाको अनुसन्धानमै छौं । पोष्टमार्टमको रिपोर्ट र हाम्रो प्रारम्भिक अनुसन्धानपछि मात्रै मृत्युको कारण खुल्छ’, जिल्ला प्रहरी प्रमुख चौधरीले भने ।

यसरी अन्धविश्वसको पराकाष्टाले डाडै काटे पनि अझै अर्धचेत अवस्थामा धामी झाक्रीकै भरमा पर्नु तपाई हाम्रो पनि मुर्खता हो । अब त सचेत बन्ने कि  ?