अखबार नेपाल ट्रेन्डिङ

काठमाडौं: फिफा विश्वकप २०२२ कतार अन्तर्गत समूह चरणमा पूर्व विश्वकप विजेता स्पेन र जर्मनी एकै समूहमा परेका छन् ।

कतारको दोहामा शुक्रबार एक कार्यक्रमकोबीच विश्वकपको समूह चरणको समूह विभाजन सार्वजनिक गरिएको हो ।

फिफाले विश्वकपमा सहभागी हुने ३२ राष्ट्रलाई वरीयता क्रममा राखेर ‘ड्र’ गरेको हो । कतार विश्वकप आगामी नोभम्बर २१ देखि डिसेम्बर १८ सम्म आयोजना हुनेछ ।

सार्वजनिक ड्र अनुसार साविक विजेता फ्रान्स समूह ‘डी’ मा परेको छ ।

यस समूहमा फ्रान्ससँगै डेनमार्क, ट्युनिसिया र प्ले अफबाट आउने एक टोली रहनेछ । यस समूहमा युएई, अष्ट्रेलिया र पेरु मध्ये एक टोली आउने छन् ।

यस्तै उपाधि दाबेदार स्पेन र जर्मनी एकै समूहमा परेका छन् । यस समूह ‘ई’ मा स्पेन, जर्मनी र जापान छन् । यस्तै कोस्टारिका र न्युजिल्याण्डबीचको विजेता यस समूहमा हुने छन् ।

अर्जेन्टिना समूह ‘सी’ मा रहेका छन् । यस समूहमा अर्जेन्टिना, मेक्सिको, पोल्याण्ड, साउदी अरेबिया छन् ।

पोर्चुगल सहज समूह ‘एच’ मा परेको छ । यस समूहमा पोर्चुगल, उरुग्वे, दक्षिण कोरिया र घाना छन् ।

ब्राजिल समूह ‘जी’ मा रहेको छ । यस समूहमा स्विजरल्याण्ड, सर्बिया र क्यामरुन छन् ।

आयोजक कतार समूह ‘ए’ मा पर्दा इंग्ल्यान्ड समूह ‘बी’ मा छन् ।

उद्घाटन खेलमा आयोजक कतारले इक्वेडरसँग प्रतिस्पर्धा गर्ने छन् ।

कुन समूहमा कुन राष्ट्र ?

समूह A – कतार, नेदरल्याण्ड, सेनेगल, इक्वेडर

समूह B – इंग्ल्यान्ड, अमेरिका, इरान, (वेल्स/युक्रेन/स्कटल्याण्ड)

समूह C – अर्जेन्टिना, मेक्सिको, पोल्याण्ड, साउदी अरेबिया

समूह D – फ्रान्स, डेनमार्क, ट्युनिसिया, (युएई/अष्ट्रेलिया/पेरु)

समूह E – स्पेन, जर्मनी, जापान, (कोस्टारिका/न्युजिल्याण्ड)

समूह F – बेल्जियम, क्रोएसिया, मोरक्को, क्यानडा

समूह G – ब्राजिल, स्विजरल्याण्ड, सर्बिया, क्यामरुन,

समूह H – पोर्चुगल, उरुग्वे, दक्षिण कोरिया, घाना