अखबार नेपाल ट्रेन्डिङ

खोटाङ: खोटाङको रुपाकोट मझुवागढी नगरपालिका-१३ नुनथलामा महुरेगढी वहुप्राविधिक शिक्षालयको औपचारिक उदघाटन गरिएको छ । शिक्षालयको उद्घाटन शिक्षा मन्त्री गिरीराजमणि पोखरेललेगरे ।संघीय सरकारले सात प्रदेशलाई वितरण गरेको एक एकवटा प्राविधिक शिक्षालय मध्ये प्रदेश नं. १ को उक्त वहुप्राविधिक शिक्षालयमा डिप्लोमा ईन फरेस्ट्री कार्यक्रम सञ्चालित छ ।

शैक्षिक सत्र २०७६/७७ देखी डिप्लोमा स्तरको थप कार्यक्रम संचालन गरिने शिक्षालयले जनाएको छ । प्राविधिक शिक्षालयमा विल्डिङ इलेक्ट्रिसियन, सामुदायिक वन सहजकर्ता, मसरुम प्रोड्युसर, बेमौसमी तरकारी खेती, मोटरसाइकल मेकानिक, मोबाईल मर्मत, सामुदायिक पशु सहायकजस्ता छोटो अवधिका तालिमहरु संचालन हुंदै आईरहेका छन् ।शिक्षालयमा ओखलढुंगा, भोजपुर, उदयपुर लगायतका जिल्लका बिद्यार्थीहरु अध्यनरत छन ।