अखबार नेपाल ट्रेन्डिङ

काठमाडौँ : आगामी वैशाख ३० गते हुने स्थानीय तह निर्वाचनका लागि ८० वटा राजनीतिक दलले निर्वाचन आयोगमा दल दर्ता गरेका छन् ।

गत फागुन ५ गतेदेखि हिजो १५ गतेसम्मको समय सीमामा ८० वटा राजनीतिक दलले दर्ताको लागि निवेदन दिएको आयोगले जनाएको छ ।

आयोगमा नेकपा एमाले, नेपाली कांग्रेस, एकीकृत समाजवादी लगायतका दलले दर्ताको लागि निवेदन दिएका छन् । दल दर्ताको लागि निवेदन दिने समय हिजोबाट सकिएको छ ।

दल दर्ताको लागि आएका निवेदन अध्ययन गरेर अबको एक हप्ताभित्र दलका नाम राजपत्रमा प्रकाशित गरिने आयोगका प्रवक्ता शालिग्राम शर्मा पौडेलले जानकारी दिए ।

आयोगबाट १११ दलले मान्यता पाएका भए पनि ८० दलले मात्रै दर्ताको लागि निवेदन दिएका हुन् ।