अखबार नेपाल ट्रेन्डिङ

काठमाडौँ : नायक पल शाहबिरुद्ध एक किशोरीले नवलपरासी पुगेर अर्को उजुरी गरेकी छिन ।

ती किशोरीले आफूलाई गैँडाकोट–५ स्थित गैँडाकोट रिसोर्टमा विसं २०७७ चैत ७ गते गीत सुटिङका क्रममा कलाकार पल शाहबाट बलात्कृत भएको भन्दै उजुरी दिएको जिल्ला प्रहरी कार्यालयका प्रवक्ता प्रहरी नायब उपरीक्षक दिलीपकुमार गिरीले जानकारी दिएका छन् ।

पीडित किशोरीको उजुरीपछि प्रहरीले घटनास्थलको अनुसन्धानको काम सकेर हिजै उनको स्वास्थ्य परीक्षण गरिएको छ ।

जाहेरीकर्ताको चितवनस्थित भरतपुर अस्पतालमा लगेर स्वास्थ्य परिक्षण भएको छ । नायक शाहले हिजो तनहूँ जिल्लामा गएर प्रहरीसामु आत्मसर्मपण गरेका छन् ।

उनलाई हिजै अदालतबाट ७ दिनको म्याद थप गरी प्रहरीले अनुसन्धान गरिरहेको छ ।