प्रतिनिधिसभा बैठक आज बस्दै, अमेरिकी सहयोग परियोजना एमसीसीमाथि छलफल हुने
वि.सं.२०७८ फागुन १३ शुक्रवार ०९:०२
1.6K
shares
काठमाडौं: प्रतिनिधिसभाको बैठक आज अपरान्ह १ बजे बस्दैछ । बैठकमा अमेरिकी सहयोग परियोजना एमसीसीमाथि छलफल हुँदैछ ।
बिहीबार बस्ने तय भएको बैठक प्रधानमन्त्री शेरबहादुर देउवाको आग्रहमा सभामुख अग्नी सापकोटाले स्थगन गरेका थिए ।
एमसीसीबारे संसदमा प्रतिनिधित्व गर्ने दलहरूबीच अझै सहमति हुन सकेको छैन । विशेष गरी एमसीसीका विषयमा सत्ता गठबन्धनबीच विवाद छ ।
सरकारको नेतृत्व गरेको दल नेपाली कांग्रेस एमसीसी पारित गर्नुपर्ने पक्षमा छ भने अन्य दल भने त्यसको विरोधमा छन् ।
गठबन्धनभित्र सहमति नबनेपछि प्रधानमन्त्री देउवाले प्रमुख प्रतिपक्षसँग सहकार्यको प्रस्ताव गरेका छन् ।
वि.सं.२०७८ फागुन १३ शुक्रवार ०९:०२




















