अखबार नेपाल ट्रेन्डिङ

जलेश्वर : महोत्तरीको सदरमुकाम जलेश्वरमा फागुन ८ गते आईतबार अनौठो दृष्य देखियो । त्यो अनौठो दृष्य थियो (नेकपा (एमाले) निकट अखिल नेपाल महिला सँघको जलेश्वर नगर अधिबेशनमा मधेशी समुदायका मधेशी महिलाको अकल्पनिय उपस्थिति ।

अधिबेशनस्थल जिल्ला बिकास समितीको सभाहलमा सहभागी हुन आएका महिलाहरूलाई बस्ने ठाउँको ब्यवस्थापन गर्न आयोजकलाई हम्मे परेको थियो । बस्ने कुर्सी नपुग्दा सहभागीहरू हलको भुईँमै कोचिएर बसेका थिए भने कतिपय उभिएरै बसेकाथिए ।

हलभित्र नअटाएपछी हलबाहिर बसेर पनि महिलाहरूले सहभागिता जनाईरहेका थिए ।

एमाले महोत्तरी जिल्ला कमिटी सचिव सिताराम झा भन्दै थिए- ‘ ४ सय सहभागीको स्टीमेट गरेको , ७ सय पुगे ।’ झाको यो भनाईले मधेशी समुदायका महिला राजनीतिक रूपमा सचेत बन्दै गएकाछन् भन्ने पुष्टि गर्छ ।