अखबार नेपाल ट्रेन्डिङ

काठमाडौँ : अमेरिकी सहयोग परियोजना हिजोको प्रतिनिधिसभाको बैठकमा पेश भएको छ । प्रधानमन्त्री शेरबहादुर देउवाको जोडबलमा पेश भएको एमसीसीमा उनका सत्ता सहयात्री दलका नेताहरुले मौन समर्थन गरेका छन् ।

सत्तागठबन्धनमा रहेका दलमध्ये नेकपा माओवादी केन्द्रका अध्यक्ष पुष्प कमल दाहाल(प्रचण्ड) र नेकपा माओवादी केन्द्रका अध्यक्ष माधवकुमार नेपालले मौन समर्थन जनाएपनि उनीहरुले सडकमा भने आफ्ना कार्यकर्तालाई बिरोध जनाउन लगाएका थिए । भित्र मौन समर्थन जनाएर बाहिर बिरोधका कार्यक्रम गरिरहेका माओवादी केन्द्र र नेकपा एसको द्वैध चरित्रका कारण यतिखेर नेपाली राजनीति तरंगित बन्न पुगेको छ ।

माओवादीका प्रवक्ता नारायणकाजी श्रेष्ठले एमसीसी संसदमा पेश भएकोमा आपत्ति जनाएका छन् । उनले आफूहरुको एमसीसीमा असहमति रहेको बताएका छन् । त्यस्तै नेकपा एसका बरिष्ठ नेता झलनाथ खनालले पनि एमसीसीको चर्को बिरोध गरेका छन् ।

तर संसदमा एमसीसी पेश भईरहँदा उनीहरुकै अध्यक्षहरु भने मौन देखिए । यसरी संसदमै मौन रहँदै सडकमा कार्यकर्तालाई टाण्डव नृत्य प्रस्तुत गर्न लगाउने प्रचण्ड नेपालको चरित्रलाई उदांगो पार्नुपर्ने माग सामाजिक संजालमा हुन थालेको छ ।

उनीहरुको संसय भनेको नेकपा एमालेका अध्यक्ष केपी शर्मा ओलीलाई रोक्नका लागि यस्तो दाहोरो खेल खेलेको अर्को चर्चा पनि चल्न थालेको छ । यदि ओली आएभने आफूहरु पत्तासाफ हुने डर अहिले प्रचण्ड नेपालमा देखिन्छ ।

कतै त्यही भयकै कारण एमसीसीमा उनीहरुको मौन समर्थन रहेको त होईन ?भन्ने आम प्रश्न उठ्न थालेको छ यतिखेर ।