अखबार नेपाल ट्रेन्डिङ

काठमाडौँ : नेपाली कांग्रेसका सभापति एवम् प्रधानमन्त्री शेरबहादुर देउवाले प्रतिनिधिसभाबाट अमेरिकी सहयोग परियोजना एमसीसी पास गर्नका लागि सकृयता बढाएका छन् । हिजो आइतबार बसेको प्रतिनिधिसभाको बैठकमा एमसीसी संसदमा टेबल भएको थियो ।

अब बिहिबार फेरी प्रतिनिधिसभाको बैठक बस्दैछ । त्यही बैठकबाट एमसीसी पास गराउने लक्ष्यका साथ प्रधानमन्त्री देउवाले सकृयता बढाएका हुन । उनले यसका लागि विभिन्न राजीनितक दलहरुसँग छलफल तथा भेटघाटलाई तीव्रता दिईरहेका छन् ।

यसअघि संसदमा एमसीसी टेबल गर्नका लागि आफ्नै सत्तागठबन्धनका दलहरुले विमति राख्दै आएपछि प्रतिनिधिसभाको बैठक नै सार्दै वार्ता गर्दै आएका प्रधानमन्त्री देउवा अहिले संसदमा एमसीसी टेबल भएपछि त्यसलाई पास गराउने ध्येयका साथ अगाडी बढिरहेका छन् ।

उनका सहयात्री दल माओवादी केन्द्र र नेकपा एकीकृत समाजवादी पार्टीले द्वैध चरित्र प्रदर्शन गर्दै आईरहेका छन् ।

यस्तो अवस्थामा यदि आफूलाई सहयात्री दलहरुले धोका दिएपनि एमसीसी बहमतले पारित गर्नका लागि प्रधानमन्त्री देउवा विभिन्न उपाय अवलम्बन गर्ने पक्षमा देखिन्छन् ।