अखबार नेपाल ट्रेन्डिङ

काठमाडौं: नेपालमा पछिल्लो २४ घण्टामा १ हजार १ सय ६७ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालय जनाएको छ ।

मन्त्रालयका अनुसार देशभरमा १२ हजार ६ सय ३२ नमूना परीक्षण गर्दा उनीहरुमा संक्रमण पुष्टि भएको जनाएको हो ।

संक्रमितमध्ये ६ सय १५ जना काठमाडौं उपत्यकाका छन् ।

काठमाडौंमा ४ सय ९१, ललितपुरमा ९९ र भक्तपुरमा २५ जना संक्रमित थपिएका छन् ।

मन्त्रालयका अनुसार पीसीआर परीक्षणमा औसतमा संक्रमणदर ९.५ प्रतिशत पुगेको जनाएको छ ।

पछिल्लो २४ घण्टामा २ सय २४ जना संक्रमित निको हुँदा २ जनाले ज्यान गुमाएका छन् ।

हाल देशभर ६ हजार ७ सय ५५ जना सक्रिय संक्रमित छन् ।