अखबार नेपाल ट्रेन्डिङ

काठमाडौं: जारी सहिद स्मारक ‘ए’ डिभिजन लिगको सातौं चरण अन्तर्गत आज त्रिपुरेश्वरस्थित दशरथ रंगशालामा एक मात्र खेल हुनेछ ।

आज हुने एक मात्र खेलमा विभागीय टोली नेपाल पुलिस क्लब र साविक विजेता मछिन्द्र क्लबबीच प्रतिस्पर्धा हुनेछ ।

पुलिस र मछिन्द्रबीचको खेल ४:४५ बजे सुरु हुनेछ ।

उपाधि दाबेदार मानिएको र एएफसी कप छनोट खेल्नका लागि मछिन्द्रलाई पुलिसविरुद्ध जित्नैपर्ने दबाब छ ।

मछिन्द्र ६ खेलमा १४ अंक जोडेर दोस्रो स्थानमा रहेको छ ।

एएफसी कप छनोट खेल्न सातौं चरण सकिदा मछिन्द्रलाई शीर्ष स्थानमा उक्लनु पर्नेछ ।

पुलिससँग हार वा बराबरीमा रोकिएमा मनाङ मर्स्याङदी क्लब एएफसी कपका लागि छनोट हुनेछ ।

मनाङ ७ खेलमा १६ अंक जोडेर शीर्ष स्थानमा रहेको छ ।

पुलिस ६ खेलमा ६ अंक जोडेर दशौँ स्थानमा रहेको छ ।