अखबार नेपाल ट्रेन्डिङ

काठमाडौं: नेपाली कांग्रेस प्रदेश नम्बर २ को नेतृत्व चयनका लागि मतदान सुरु भएको छ ।

जनकपुरधामस्थित गोपाल धर्मशालामा जारी ६७ पदका लागि बिहान ९ बजे सुरु मतदान दिउँसो ३ बजेसम्म चल्ने निर्वाचन समितिले जनाएको छ ।

कांग्रेसको प्रथम अधिवेशनमा ६७ पदका लागि १८० जनाले उम्मेदवारी दिएका छन् । यीमध्ये ५ सदस्य निर्विरोध चयन भइसकेका छन् ।

बाँकी ६७ पदका लागि अहले मतदान भइरहेको छ ।

प्रदेश नम्बर २ का ८ जिल्लाबाट झण्डै २ हजार मतदाता निर्वाचनमा सहभागी छन् ।

मतदानका लागि चारवटा बुथको व्यवस्था गरिएको निर्वाचन समितिले जनाएको छ ।

मतदान बिहान ८ बजे सुरु गर्ने भनिए पनि मतपत्र छपाइमा ढिलाइ भएकाले सुरुवातमा केही ढिला भएको निर्वाचन समितिले जनाएको छ ।

मतदानमा ढिलाइका विषयमा हिजो सभापतिका उम्मेदवारद्वय कृष्ण यादव र रामसरोज यादव पक्षबीच कुटाकुट समेत भएको थियो ।

सोही कारण आज बिहान ८ बजेसम्मका लागि मतदान स्थगन गरिएको थियो ।