अखबार नेपाल ट्रेन्डिङ

एजेन्सी: फ्रेन्च लिग वान फुटबलमा पेरिस सेन्ट जर्मेन (पीएसजी) बराबरीमा रोकिएको छ ।

पिएसजीले घरेलु टोली लोरिएन्टसँग १-१ गोलको बराबरी खेलेको हो ।

लोरिएन्टका थोमस मोनकोनडुइले गोल गरेपनि १० खेलाडीमा समेटिएको पिएसजीविरुद्व जित निकाल्न सकेन ।

खेलको ४०औं मिनेटमा थोमसले गोल गर्दै घरेलु टोलीलाई १-० को अग्रता दिलाएका थिए । तर त्यो अग्रतालाई लोरिएन्टले अन्तिम समयमा जोगाउन सकेन ।

इन्ज्युरी समयको थप गरिएको पहिलो मिनेटमा इकार्डीले गोल गर्दै पिएसजीलाई हारबाट जोगाए ।

भेट्रान डिफेन्डर सर्जियो रामोसले दोहोरो पहेँलो कार्ड खादै मैदानबाट बाहिरिएपछि पिएसजी ८५औं मिनेटमा १० खेलाडीमा समेटिन पुगेको थियो ।

बराबरीसँगै पिएसजी १९ खेलबाट ४६ अंक जोडेर शीर्ष स्थानमा रहेको छ । पिएसजीले दोस्रो स्थानको निसलाई १३ अंकले पछि पारेको छ ।

लोरिएन्ट १६ अंक जोडेर १९औं स्थानमा छ ।