अखबार नेपाल ट्रेन्डिङ

एजेन्सी: इंग्लिस प्रिमियर लिगमा म्यानचेस्टर सिटीले वेस्टह्याम युनाइटेडलाई मैदानमा २–१ गोल अन्तरले पराजित गरेको छ ।

आइतबार राति भएको खेलको ३३औं मिनेटमा गुन्डोगानको गोलबाट सिटीले पहिलो हाफमा १–० को अग्रता लिएको थियो ।

सिटीका लागि थप गरिएको अतिरिक्त समयमा पहिलो मिनेटमा फर्नान्डिन्होले गोल गर्दै अग्रता दोब्बर पारे ।

जितपछि सिटी १३ खेलबाट २९ अंक जोडेर दोस्रो स्थानमा उक्लिएको छ । सिटीले लिभरपुललाई पछि पारेको हो ।

पराजित वेस्टह्याम २३ अंक जोडेर चौथो स्थानमा रहँदा शीर्ष तीन टोलीसँगको अंक दुरी छोट्याउने अवसर गुमायो ।

अर्को खेलमा ब्रेन्टफर्डले एभर्टनलाई १–० ले पराजित गरेको छ । ब्रेन्टफर्डको जितमा इभान टोलीले निर्णायक गोल गरे ।

जितपछि ब्रेन्टफर्ड १३ खेलबाट १६ अंक जोडेर १२औं स्थानमा रहँदा एभर्टन १५ अंक जोडेर १४औं स्थानमा रहेको छ ।