अखबार नेपाल ट्रेन्डिङ

काठमाडौं:  भीजी इम्क्पेक्स प्रालिले ‘टेस्ट ड्राइभ र एक्सचेन्ज क्याम्प’ सुरु गरेको छ । ग्रेट वाल मोटर्स (जीडब्ल्यूएम) गाडीहरुको नेपालका लागि आधिकारिक बिक्रेता भीजी इम्क्पेक्स प्रालिले आफ्नो दुई एसयूभीहरु– थर्ड जेन हवाल एच सिक्स  र हवाल जोलायनका साथै पिक–अप पावरको ‘टेस्ट ड्राइभ र एक्सचेन्ज क्याम्प’ सुरु गरेको हो ।

यो क्याम्पमा सहभागी हुनका लागि काठमाण्डौको थापाथलीस्थित ग्रेट वाल मोटर्सको शोरुममा गएर बिहान १० बजेदेखि बेलुका ५ बजेभित्र निःशुल्क टेस्ट ड्राइभ तथा एक्सचेन्जको फाइदा लिन सक्नेछन् । यो क्याम्प मंसिर १४ गते सकिनेछ। यस क्याम्पमा इच्छुक जोसुकै पनि सहभागी हुन सक्नेछन् ।

टेस्ट ड्राइभका लागि आउने प्रत्येक ग्राहकले आकर्षक उपहार पाउनुका साथै ४३ इन्चको एमआई स्मार्ट टीभी जित्ने मौका पाउनेछन्। यस क्याम्पअन्तर्गत ग्राहकले गाडी एक्सचेन्ज गरी बुकिङ गर्न सकिनेछ र आकर्षक बोनस, नगद छुट, निःशुल्क एसेसोरिज र सहज फाइनान्सिङको सुविधा पनि उपलब्ध हुनेछ।

सबै ग्राहकलाई गाडीहरुको विशेषता र फाइनान्सिङका बारेमा जानकारी गराउन अनुभवी विज्ञहरु उपस्थित रहनेछन्। जीडब्ल्यूएमले अक्टोबर २०२१ मा जम्मा १ लाख १२ हजार ६९ गाडी बिक्री गरेको छ।

जसमा अन्तर्राष्ट्रिय बजारमा मात्र १४ हजार ४७ वटा गाडी बिक्री गरेको थियो। २०२१ को जनवरीदेखि अक्टोबरसम्म अन्तर्राष्ट्रिय बजारमा बिक्री भएको १ लाख १२ हजार २० सहित ९ लाख ९६ हजार ११४ गाडी बिक्री भएको छ। जुन ३०.३% को वृद्धि हो।

यो पनी पढ्नुहोस् :

ग्लोबल आइएमई बैंकले निःशुल्क मोबाइल डाटा उपलब्ध गराउने

​