अखबार नेपाल ट्रेन्डिङ

एजेन्सी: इंग्लिस प्रिमियर लिगमा म्यानचेस्टर युनाइटेडले वाट्फोर्डसँग ४–१ गोल अन्तरले पराजित भएको छ ।

१० खेलाडीमा समेटिएको युनाइटेडले घरेलु टोली लज्जास्पद हार ब्यहोरेको हो । वाट्फोर्डको जितमा जोसुआ किङ, इस्माइला सार, जोओ पेड्रो र इमानुएल डेनिसले गोल गरे ।

युनाइटेडका वैकल्पिक खेलाडी डोनी भान डि विकले दोस्रो हाफमा एक गोल फर्काए । युनाइटेडले खेलको ८औं र ११औं मिनेटमा अग्रता लिने सुवर्ण अवसर खेर फालेको थियो ।

खेलको ८औं मिनेटमा इस्माइला सार दुई पटक पेनाल्टीमा चुकेका थिए । सारले प्रहार गरेको पेनाल्टीलाई पनि डे हेयाले विफल पारे ।

तर २८औं मिनेटमा जोसुआ किङले इमानुएल डेनिसको पासमा गोल गर्दै वाट्फोर्डलाई अग्रता दिलाए । लगातार दबाब बनाएको वाटफोर्डले घरेलु मैदानमा सम्झनलायक प्रदर्शन गरेको थियो ।

यो जितसँगै वाट्फोर्ड १२ खेलबाट १३ अंक जोडेर १६औं स्थानमा उक्लिएको छ । पराजित युनाइटेड १७ अंक जोडेर सातौं स्थानमा रहेको छ ।