अखबार नेपाल ट्रेन्डिङ

काठमाडौं: इंग्लिस प्रिमियर लिग फुटबलमा लिभरपुलले आर्सनललाई ४-० गोल अन्तरले हराउँदै सानदार जित निकालेको छ ।

घरेलु मैदानमा भएको खेलको ३९औं मिनेटमा साडियो मानेले गोल गर्दै लिभरपुललाई सुरुआती अग्रता दिलाएका थिए ।

खेलको ५२ औं मिनेटमा डिएगो जोटाले गोल गर्दै टोलीको अग्रता २-० को बनाए । ७३ औं मिनेटमा मोहमद सलाहले गोल गर्दै लिभरपुलको अग्रता ३-० को बनाए ।

त्यसपछि खेलको ७७ औं मिनेटमा टाकुमी मिनामिनोले गोल गर्दै लिभरपुललाई ४-० को जित दिलाए ।

जितसँगै लिभरपुलले १२ खेलमा २५ अंक जोडेको छ । लिभरपुल अंक तालिकाको दोस्रो स्थानमा उक्लिएको छ ।

आर्सनल २० अंक जोडेर पाँचौं स्थानमा रहेको छ ।