अखबार नेपाल ट्रेन्डिङ

एजेन्सीः स्ट्राइकर किलीयन एम्बाप्पेलाई स्पेनिस महारथी क्लब रियाल म्याड्रिडले औपचारिक रुपमा किन्ने प्रस्ताव गरेको छ ।

एम्बाप्पे र पिएसजीको सम्झौता नविकरण नभएको हुदा रियालले यो प्रस्ताव राखेको हो ।

क्लबसँग आफ्नो सम्झौता नवीकरण गर्न अस्वीकार गरेपछि रियल म्याड्रिडले पिएसजीसँग औपचारिक प्रस्ताव गरेको हो ।

स्पेनिस मिडियाहरुले यस बारेमा उल्लेख गरेका छन् ।

मार्काका अनुसार स्पेनिस क्लब रियल म्याड्रिडले स्ट्राइकर एम्बाप्पेका लागि १६० मिलियन युरोको प्रस्ताव गरेको छ ।

एम्बाप्पेको पिएसजीमा अब एक बर्ष मात्र सम्झौता रहेको छ ।

उनले सम्झौता नविकरण नगरि रियल म्याड्रिड जाने इच्छा व्यक्त गरेको उल्लेख गरिएको छ ।

पिएसजीले विश्व स्टार लियोनल मेस्सीलाई क्लबमा भित्राएसँगै एम्बाप्पेले क्लबमा भविश्य नरहेको अनुमान गरेका छन् ।

जनवरीको खेलाडी ट्रान्सफर विन्डो देखि एम्बाप्पेले फ्री(ट्रान्सफरको कुरा गर्न पाउने छन् ।

अहिले राम्रो रकमको प्रस्ताव आएको बेला पिएसजीले एम्बाप्पेलाई बेच्ने दबाबमा आएको मिडिया रिपोर्टमा बताइएको छ ।

यस सिजनको खेलाडी ट्रान्सफर विन्डो अगस्त अन्तिम सम्म रहेको छ ।

पिएसजीले केहि दिनमा एम्बाप्पेलाई रियल म्याड्रिडले दिएको मुल्यमा बेच्न सक्ने अड्कल गरिको छ ।

यदि पिएसजीले जोखिम नमोलि पाएको सुनौलो अवसरमा एम्बाप्पेलाई बेचेमा रियाल म्याड्रिडले भित्र्याउने सक्ने अड्कल तिब्र भएको छ ।

रियल म्याड्रिड र पिएसजीको सम्बन्ध राम्रो भएकाले पनि एम्बाप्पेको विषयमा सौहार्दपूर्ण रुपमा नै कुरा अगाडी बढेको बताइएको छ ।

यो पनि पढ्नु होस्ः