अखबार नेपाल ट्रेन्डिङ

एजेन्सीः स्पेनिस ला लिगा नयाँ सिजन २०२१-२२ फुटबलमा रियल मड्रिडले विजयी सुरुवात गरेको छ ।

शनिबार राति सिजनको पहिलो खेलमा रियलले डिपोर्टिभो अलाभेसलाई ४–१ गोल अन्तरले पराजित गरेको छ ।

रियलको जितमा करिम बेन्जिमाले दुई तथा नाचो फर्नान्डेज र भिनिसियस जुनियरले समान एकरएक गोल गरे ।

डिपोर्टिभोका लागि जोसेलुले पेनल्टी मार्फत सान्त्वना गोल फर्काए ।

डिपोर्टिभो पहिलो हाफ रियल मड्रिडलाई गोलरहित बराबरीमा रोकेको थियो ।

दोस्रो हाफमा रियल मड्रिडलाई डिपोर्टिभोले रोक्न सकेन ।

दोस्रो हाफको एघार मिनेट भित्र रियल म्याड्रिले खेलमा २–०गोलको अग्रता बनाएको थियो ।

४८औं मिनेटमा इडेन हर्जडको पासमा बेन्जिमाले गोल गर्दै रियललाई अग्रता दिलाएका थिए ।

५६औं मिनेटमा लुका मोड्रिडको पासमा नाचोले गोल गर्दै रियल म्याड्रिडको अग्रता दोब्बर बनाएका थियो ।

रियाल म्याड्रिड यतिमा मात्र रोकिएन ६२ औं मिनेटमा बेन्जिमाले व्यक्तिगत दोस्रो गोल गर्दै रियलको अग्रता फराकिलो बनाए ।

६५औं मिनेटमा डिपोर्टिभोका जोसेलुले पेनाल्टीमा गोल गर्दै खेल ३–१को स्थितिमा पु¥या ।

जोसेलुको गोलसाँगै डिपोर्टिभो खेलमा फर्किने संकेत देखाए पनि त्यो सम्भव हुन सकेन ।

खेलको इन्जुरी समयमा ब्राजिलियन खेलाडी भेन्सिनी जुनियरले गोल गर्दै रियललाई खेलमा स्पस्टता ३ गोलको अग्रता दिलाएका थिए ।

स्पेनिस ला लिगा नयाँ सिजन रियल म्याड्रिडले समग्रा ४–१को जित दर्ता गर्दै लिगको पहिलो खेलमा जित दर्ता गरेको हो ।

यो पनि पढ्नु होस्ः

स्पेनिस ला लिगामा भ्यालेन्सिया विजयी पहिलो खेलमै दुई रातो कार्ड