अखबार नेपाल ट्रेन्डिङ

काठमाडौ: पार्टी सभापति एवम् प्रधानमन्त्री शेरबहादुर देउवालाई काउण्टर दिनका लागि रामचन्द्र पौडेल पक्षका नेताहरु आज पनि छलफलमा जुटेका छन् ।

देउवालाई काउण्टर दिनका लागि रामचन्द्र पौडेल पक्षका नेता प्रकाशमान सिंहको निवासमा उनीहरु छलफलमा रहेका छन् ।

जारी छलफलमा वरिष्ठ नेता पौडेलसहित, महामन्त्री शशांक कोइराला, बलबहादुर केसी, अर्जुननरसिंह केसी र डा. मिनेन्द्र रिजाल सहभागी भएका छन् ।

उनीहरुबीच आगामी १४ औं महाधिवेशन र क्रियाशील सदस्यताको विवाद सम्बन्धमा छलफल भइरहेको प्रकाशमानको सचिवालयले जनाएको छ ।

क्रियाशील सदस्यताको विवाद समाधान हुन नसक्दा आगामी भदौ १६ गते निर्धारित कांग्रेसको १४ औं महाधिवेशनको कार्यतालिका प्रभावित हुन पुगेको छ ।

पौडेल पक्षका नेताहरुले अनयमित क्रियाशिल सदस्यतामार्फत प्रधानमन्त्री समेत रहेका सभापति देउवाले पार्टी कब्जा गर्न खोजेको आरोप लगाएको छ ।

पौडेल पक्षले क्रियाशिल सदस्यता विवाद रहेका ठाउँमा पुरानै सदस्यतालाई मान्यता दिएर १४ महाधिवेशन सम्पन्न गर्नुपर्ने बताइरहेका छन् ।

तर अहिलेको अवस्थामा तोकिएको समयमा महाधिवेशन असंभव देखिन्छ ।

याे पिन पढ्नु हाेस्:

कोरोना विरुद्धको दोस्रो मात्राको भेरोसेल खोप शुक्रबारदेखि दिईदै