अखबार नेपाल ट्रेन्डिङ

काठमाडौं: नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र एमालेका वरिष्ठ नेता माधवकुमार नेपालबीच  आज कोटेश्वरमा भेटवार्ता भएको छ ।

नेपाल निवास कोटेश्वरमा दुई नेताबीच भेट हुने गरेकोमा आज कोटेश्वरकै एक व्यपारीको  नेपाललाई भेट्न प्रचण्ड पुगेका हुन् ।

एमाले एकता वा विभाजनको निर्णायक चरणबाट गुज्रिरहेका बेला नेपालसँग प्रचण्डले भेट्नुलाई निकै अर्थपूर्ण रुपमा हेरिएको छ ।

पार्टी अध्यक्ष केपी शर्मा ओलीसँग भेट्ने तरखरमा रहेका नेपाललाई प्रचण्डले भेट्नु संयोग मात्र नभई केही खिचडी पाक्न लागेको हो कि भन्ने आशंका पैदा गराएको  छ  ।

अहिले मन्त्रीपरिषदले समेत पूर्णता पाउन सकिरहेको छैन । यस्तो अवस्थामा आजको दुई नेताबीचको वार्तालाई निर्णायक मानिएको छ ।

‘समसामयिक राजनीतिका साथै सरकारमा सहभागिताको विषयमा दुई जनाबीच मात्रै भेटवार्ता जारी छ,’ स्रोतले भन्यो ।

माधव नेपालमाथि एमालेमै मिल्न दोस्रो पुस्ताका नेताहरुले दबाब दिइरहेका छन् । अर्कोतिर २२ जना सांसदसहितका नेता कार्यकर्ताले सरकारमा जान दबाब दिएकाले नेपाल अनिर्णयमा छन् ।

मन्त्री बन्न हतार देखिएका २२ भाई सांसदकै कारण नेपाल अनिर्णयको बन्दी हुन पपुगेका छन् ।

आजको छलफलपछि माधव नेपालले सरकारमा सहभागिता नजाउने भएमा कांग्रेस, माओवादी र जसपाका मात्र मन्त्री समेटेर मन्त्रिपरिषद् विस्तार गरिने बताईएको छ ।