अखबार नेपाल ट्रेन्डिङ

काठमाडौं:  नेपाल राष्ट्र बैंकले वाणिज्य बैंकहरुलाई निर्देशन दिएको छ । नेपाल राष्ट्र बैंकले वाणिज्य बैंकहरुलाई आउँदो साउन १ गतेबाट सरकारी कारोबारको दैनिक विवरण अनिवार्य रुपमा सुपरभाइजरी इन्फरमेसन सिस्टम (एसआईएस) मार्फत पठाउन निर्देशन दिएको छ ।

केन्द्रीय बैंकको बैंकिङ विभागले सरकारी इजाजतपत्र प्राप्त क वर्गका वाणिज्य बैंकहरुलाई यस्तो निर्देशन दिएको हो। हाल वाणिज्य बैंकहरुले ई–मेलमार्फत पठाउने सरकारी कारोबारको दैनिक विवरणका आधारमा राष्ट्र बैंकले हिसाब मिलान गर्दै आएको थियो।।

साउन १ बाट राष्ट्र बैंकले सञ्चालनमा ल्याएको एसआईएस पूर्ण कार्यान्वयनमा ल्याउन लागेको हो। त्यसैले साउन १ बाट वाणिज्य बैंकहरुले यही प्रणालीमार्फत अनिवार्य रुपमा राष्ट्र बैंकलाई सरकारी कारोबारको दैनिक विवरण पठाउनुपर्ने र सोही आधारमा हिसाब मिलान हुने भएको हो।

अर्को निर्देशन नभएसम्मका लागि सरकारी कारोबारको दैनिक विवरण ई–मेलसमेत समानान्तर रुपमा पठाउन पनि वाणिज्य बैंकहरुलाई राष्ट्र बैंकले अनुरोध गरेको छ।

यो पनी पढ्नुहोस् :

सामाजिक सुरक्षा कोष बिरुद्द बैंकका कर्मचारीहरु सडकमा उत्रिए